केहि वर्षसम्म व्यक्तिगत रुपमा आलुखेती गर्दै आएका आलितालका किसानहरुले केहि बर्ष यता देखि व्यवसायिक आलुखेती शुरु गरेका छन । रंगुन ताजा तरकारी कृषक समूहमा आवद्ध भएर करिब १ सय पचास रोपनी क्षेत्रफलमा आलिताल ८ दुवालीखेतका किसानहरुले आलुखेती शुरु गरेको समुहका अध्यक्ष लाल बहादुर डालाले जानकारी दिनु भयो ।
रंगुन ताजा तरकारी कृषक समूहमा आवद्ध भएर आलुखेती शुरु गरिएको उनले जानकारी दिए। उनका अनुसार सो ठाउँमा करिब २०० क्वीन्टल भन्दा बढी आलुको बीउ रोपिएको बताए ।
आलु खेति गर्ने किसानलाई गाउंपालिका,कृषि ज्ञान केन्द्र,आलुसुपरजोनहरुले आलुखेतीको लागि सहयोग समेत गरेको बताए ।
केहि बर्ष यता सुरु गरेको आलुखेतीलाई प्रत्येक बर्ष विस्तार गर्दै लगिएको अध्यक्ष डाला मगरले बताए । पहिले पुरानो परम्परा अनुसार आलुखेती गरिन्थ्यो अहिले बिभिन्न संघ सस्था तथा सरकारको सहयोगमा आधुनिक प्रबिधिबाट आलुखेति गरिएको बताए । उनका अनुसार अहिले आधुनिक मल्चिड प्रबिधिबाट आलुखेतिको सुरुवात समेत गरिएको जानकारी दिए ।
बिरलै रुपमा लगाउने गरिएको आलुखेती पछिल्लो समय यसलाई व्यावसायिक रुपमा खेती गर्ने किसानको सङ्ख्या वृद्धि भएको कृषि शाखा कार्यालयका प्रमुख लक्ष्मण कामीले बताउनुभयो ।
अहिले यहांका किसानलाई बिउमा अनुदान समेत दिन नपरेको प्रमुखले बताए उनका अनुसार यो समुहका किसानलाई आफुहरुले सुरुको बर्षमा मुल बिउ प्रदान गरेको र अहिले तेई बिउ उत्पादन गरेर किसानले आफै बिउ बनाउने कार्य भइरहेको बताए ।
आलु बहूउपयोगि कन्दमूल अर्थात् तरकारी बाली हो । तरकारीको रुपमा प्रमुख नै मानिने आलु विश्वभरि सबैभन्दा बढी उपयोग गरिन्छ । आलु पोषक र बलवर्द्धक खाध्य हो । मध्यम खाले एउटा आलुको डल्लामा ११२ क्यालोरी ऊर्जा हुन्छ। आलुमा २० प्रतिशत स्टार्च, २ प्रतिशत प्रोटिन, १ प्रतिशत खनिज र ८० प्रतिशत पानी हुन्छ ।
पहाडी क्षेत्रमा तथा भित्री मधेश क्षेत्रमा राम्रो उत्पादन दिने जातहरुमा जनकदेव, डिजिरे,कार्डिनल खुमल सेतो–१, आदि जातहरु छन् ।यस वालीको नेपालमा धेरै महत्वपूर्ण स्थान छ, किनकी तराई, भित्री मधेश र मध्य पहाडी क्षेत्रमा यसको प्रयोग तरकारीको रुपमा प्रयोग गरिन्छ भने उच्च महाडी क्षेत्रमा खाद्यान्न र तरकारीका रुपमा प्रयोग गरिन्छ । आलुलाई सस्तो र गरीवहरुको साथीका रुपमा परिचित भएको छ ।