parwat hotel
Citizan

स्वतन्त्र उम्मेदवारी अभियान : १९९८ जनाले गरे उम्मेदवारी घोषणा,कसरी गर्छन काम

Chure

अबको स्थानीय सरकार, ७५३ वटै स्थानीय तहमा स्वतन्त्र उम्मेदवार’ को मुख्य नारासहित स्वतन्त्र उम्मेदवारी अभियान घोषणा गरिएको छ । जसअनुसार स्वतन्त्र उम्मेदवारी अभियानमार्फत हालसम्म १९९८ जनाले स्थानीय तहको निर्वाचनमा उम्मेदवारी घोषणा गरेका छन् ।

जसअन्तर्गत प्रदेश–१ मा ३४७ जना, मधेश प्रदेशमा ३०९, बागमती प्रदेशमा ३६४ जना छन् । त्यसैगरी, गण्डकी प्रदेशमा २८६ जनाले उम्मेदवारी घोषणा गरेका छन् भने लुम्बिनीमा २६५, कर्णालीमा १८८ र सुदूरपश्चिम प्रदेशमा २३९ जनाले उम्मेदवारी घोषणा गरेका छन् । यो अभियानमार्फत देशभरबाट हालसम्म कुल ४६५७ जनाले उम्मेदवारी हुने इच्छासहितको फारम भरेका छन् ।

glam &
Citizan
alitalnewyear2081

स्वतन्त्र उम्मेदवारी अभियानको मुख्य उद्देश्य स्थानीय तह दलीय राजनीतिमुक्त हुनुपर्छ भन्ने रहेको बिहीबार पत्रकार सम्मेलनपछि आयोजित जारी विज्ञप्तिमा उल्लेख छ । यो अभियान कुनै एक दल वा समूह नभई देशभरबाट स्वतन्त्र रूपमा स्थानीय तहको उम्मेदवार बन्न चाहनेको साझा थलो भएको दाबी गरिएको छ ।

lali

स्थानीय तहमा स्वतन्त्र उम्मेदवार दिन तयार भएका स्वच्छ छवि, नैतिक र इमान्दार जो कोही पनि यो अभियानमा जोडिन सक्नेछन् । स्थानीय तह भ्रष्टाचारमुक्त हुनुपर्ने, जनताका दैनन्दिन आवश्यकता पूरा गर्नुपर्ने, विकासका एजेण्डालाई प्राथमिकता दिनुपर्ने र घरदैलोको सरकार हरक्षण जनताकै सेवामा समर्पित हुनुपर्ने यो अभियानको उद्देश्य हो । त्यसको लागि स्थानीय सरकार दलभन्दा माथि उठ्नुपर्ने आवश्यकता रहेको अभियानको ठहर छ ।

अभियानले कसरी काम गर्छ ?

अभियानले तीन तहमार्फत आफ्नो अजेण्डा जनतासमक्ष लैजाने छ । पहिलो तहमा मेन्टर वा सल्लाहकार रहनेछन् । यसमा स्थानीय सरकार सञ्चालन, पूर्वाधार, शिक्षा, स्वास्थ्य लगायत क्षेत्रका विज्ञ रहनेछन् ।

दोस्रो तहमा कार्यकारी समिति रहनेछ । यसले उम्मेदवारी र अन्य आवश्यक संयन्त्र जस्तै– संघसंस्था, सञ्चार माध्यमबीचको पुल बनेर व्यवस्थापनको काम गर्नेछ । तेस्रो तहमा कर्मचारी र स्वयम्सेवकहरू रहनेछन् । यो तहमा रहनेले विभिन्न तहसँग सम्पर्क, समन्वय गर्ने, कामको डिजाइन र कार्यान्वयनमा लैजान सघाउने छ । स्रोत लोकपथ

You might also like
Leave A Reply

Your email address will not be published.