महेन्द्रनगर।
नेकपा एमालेका पोलिटब्युरो सदस्य तथा सुदुरपश्चिमका निवर्तमान मुख्यमन्त्री राजेन्द्र सिंह रावल र केन्द्रीय सदस्य कमला बोहराले जिल्ला र पालिकाको इन्चार्जसहित थप दुई वटा महत्त्वपूर्ण विभागमा संयोजनको जिम्मेवारी पाएका छन्।
एमालेको हालै सम्पन्न सचिवालय बैठकले नेता रावललाई स्कुल विभाग र बोहरालाई प्रचारको थप जिम्मेवारी दिएको हो। दुबै जनाले सुदुरपश्चिम प्रदेशमा यी दुई विभागको नेतृत्व गर्ने एमालेले जनाएको छ।
यसका साथै नेता रावल बझाङको जिल्ला इन्चार्जसमेत तोकिएका छन्। केन्द्रीय सदस्य बोहरालाई कंचनपुर क्षेत्र नम्बर २ को तीन पालिकाको इन्चार्ज बनाइएको छ।