धनगढीः कञ्चनपुरबाट लागुऔषधसहित चार जना पक्राउ परेका छन्। जिल्लाको भीमदत्त नगरपालिका वडा नम्बर ४ मा सुन्य दशमलव ०१५ ग्राम लागुऔषधसहित चार जना पक्राउ परेका हुन्।
प्रदेश प्रहरीका अनुसार पक्राउ पर्नेमा डोटीको पूर्वी चौकी गाउँपालिका वडा नम्बर ५ का २७ वर्षिय केशु साहु, डडेल्धुराको आलिताल गाउँपालिका वडा नम्बर ७ का २८ वर्षिय बल बहादुर बुढा क्षेत्री, कञ्चनपुरको वेदकोट नगरपालिका वडा नम्ब. ९ का २६ वर्षिय नविन भट्ट र सोही गाउंका ३० वर्षिय सिद्धराज पनेरु रहेका छन्।
जिल्ला प्रहरी कार्यालय, कञ्चनपुरको टोलीले उनीहरुलाई लागुऔषधसहित पक्राउ गरेको हो। घटनाको विषयमा थप अनुसन्धान जारी रहेको प्रहरीले बताएको छ।
