डडेल्धुराको आलिताल गाउंपालिकाले अनलाईन प्रणाली मार्फत गुनासो व्यवस्थापन प्रणाली “नमस्ते अध्यक्ष” संचालनमा ल्याएको छ । पालिकाले नबप्रबर्धन साझेदारी कोषको आर्थिक सहयोगमा गाउँपालिका भित्रका गुनासाहरु व्यवस्थापन गर्नको लागि गुनासो व्यवस्थापन प्रणाली “नमस्ते अध्यक्ष” निर्माण गरी संचालनमा ल्याएको हो ।
पालिकाको विषयमा रहेको गुनासो अब पालिकाको वेबसाइड भित्र गई गुनासो व्यवस्थापन प्रणालीको लिङ्कमा गई आफ्नो गुनासो राख्न सक्नेछन् । पालिकाको विकास पालिकावासीको सहयोग, सहभागिता, सद्भाव र सहकार्य गर्न र गाउको सामाजिक, आर्थिक, भौतिक र सांस्कृतिक विकासमा प्रत्येक गाउवासीको बुद्धि, सिप, योजना र परामर्शको अविस्मरणीय योगदान रहने साथै पालिकाको बिकास र समृद्धीको लागि गुनासा, सुझाव, सल्लाह, परामर्श र प्रतिक्रियाबाट सेवा प्रवाह सम्बन्धी काम कारबाहीका गर्न एक प्रभावकारी हुने भएको हुदा गुनासो व्यवस्थापन प्राणाली नमस्ते अध्यक्ष निर्माण गरि संचालनमा ल्याएको पालिका अध्यक्ष शेर सिंह पार्कीले बताए ।
तलको लिङ्कमा गएर गुनासो टिपाउन सकिन्छ ।
http://aalital.palikanepal.com/Grievance/Home
