नगढीः कैलालीको घोडाघोडीमा टिपर दुर्घटना भएको छ । दुर्घटनामा एक जनाको मृत्यु भएको छ।
घोडाघोडी नगरपालिका–२ पाण्डेचोकमा ना.४ ख १३६५ नम्बरको टिपर अनियन्त्रित भएर आइतबार राति दुर्घटना भएको हो। दुर्घटनामा टिपरमा सवार बाँके कोहलपुर नगरपालिका–७ का २४ वर्षीय दिनदयाल थारुको मृत्यु भएको छ।
दुर्घटनामा गम्भीर घाइते भएका उनको कोहलपुर मेडिकल कलेज बाँकेमा उपचारको क्रममा मृत्यु भएको हो। साथै दुर्घटनामा घाइते भएका टिपर चालकको निसर्ग अस्पताल धनगढीमा उपचार भइरहेको छ।
