जेठ ५ , सुन्दर पर्यटकिय स्थल आलितालमा पनि संस्कृति पोषाकमा फोटो खिच्ने व्यवस्था मिलाइएको छ । आलिताल गाउंपालिका वडा न. ३ मा रहेको जनजाती महिला समुहले पर्यटकिय स्थल आलितालमा संस्कृति पोषाकमा फोटो खिन्न पाउने व्यवस्था मिलाएको हो ।
सुन्दर नगरी आलितालको प्रचारप्रसार गर्नुका साथै उक्त ठांउमा रहेको जनजातीको सास्कृतिक पहिचानलाई पनि टेवा पुग्ने गरि विभिन्न जातजातीको पोषाकमा फोटो खिच्न व्यवस्था मिलाईएको समुहका अध्यक्ष खिमा देबि रानामगरले बताइन ।
आलितालमा आउने पर्यटकले उक्त समुहमा सम्पर्क गरेर न्युनतम शुल्कमा पोषाक उपलब्ध गराइने समेत बताइन ।
वडा कार्यलयको आर्थिक सहयोगमा समुहले मगर,राई,गुरुङ,तामाङ,भोटे लगाएतका जनजाती पोषाक खरिद गरिएको अध्यक्ष रानामगरले बताइन् ।
डडेल्धुरा जिल्लाको भित्रिमधेस क्षेत्रको एक महत्वपूर्ण धार्मीक तथा पर्यटकिय स्थल भएकोले यस्को बिभिन्न क्षेत्रबाट प्रचार प्रसार गरिरहेको गाउंपालिका उपाध्यक्ष मैना कुमारी रावलले जानकारी दिए । उपाध्यक्ष रावलले यो कार्यक्रमले बिभिन्न जनजातीको परम्परागत सस्कृतिको जगेर्ना गर्न सहयोग पुग्नुका साथै पर्यटकिय स्थल आलितालको प्रचारप्रसारमा पनि सहयोग पुग्ने भएकाले सास्कृतिक पोषाक खरिदमा सहयोेग गरिएको बताए ।
अहिले बिभिन्न ठाउंहरुबाट आलिताललाई गन्तब्य बनाएर बनभोज तथा अवलोकन गर्न आउने गरेका छन् ।
