डडेल्धुरा: आलितालमा अभिभावक शिक्षा तालिम सम्पन्न भएको छ ।
सामुदायिक सिकाइ केन्द्र आलितालको आयोजनामा वडा न. ५ को बालकल्याण आधारभुत विध्यालयमा र लाली गुराँस सामुदायिक सिकाइकेन्द्रको आयोजनामा वडा न. २ को उणीकोट माध्यमिक बिध्यालयमा अभिभावकलाई तालिम दिइएको हो ।
केहि बर्ष पहिले प्रौढ शिक्षा संचालन गर्दै आएको सिकाइकेन्द्रले अहिले विद्यालयसंग समन्वय गरि अभिभावकलाई शिक्षा दिइरहेको छ ।
बिद्यार्थीको सिकाइमा अभिभावकको महत्वपूर्ण भुमिका रहने भएकोले अभिभावकलाई तालिम दिनुपरेको शिक्षा शाखाका प्रमुख देबराज पन्तले बताए ।
आफ्नो बच्चाको बिषयमा अभिभावक चनाखो हुनु पर्ने बताउदै अभिभावक र बिद्यार्थी र शिक्षकको सम्बन्ध कायम राख्न समेत सहयोग पुग्ने प्रमुख पन्तले बताए ।
पहिलो बिद्यालय नै घर भएकोले बिद्यार्थीको सिकाइमा अभिभावकको महत्वपुर्ण भुमिका हुने भएकोले
अभिभावकलाई शिक्षामा चेतना जगाउन तालिमको आयोजना गरिएको आलिताल सामुदायिक सिकाइकेन्द्र का अध्यक्ष ज्ञानेन्द्र जोशीले बताए ।
विद्यार्थिको सिकाइमा अभिभावक पन्छिन खोज्ने प्रविती
लाई हटाउन र आफ्नो बच्चाको बिषयमा अभिभावक चनाखो हुनु पर्नेमा उनले जोड दिए ।
