कैलाली : कैलालीको अत्तरियामा मंगलबार बिहान एक महिलाको शव रुखमा झुण्डिएको अवस्थामा फेला परेको छ। गोदावरी नगरपालिका–२ दुर्गालक्ष्मी महिला सामुदायिक वन क्षेत्रमा कञ्चनपुर भीमदत्त नगरपालिका–२ की मानमती भट्टको शव फेला परेको हो।
इलाका प्रहरी कार्यालय मालाखेतीका डिएसपी गंगा बहादुर थापाका अनुसार शव अग्लो रुखमा झुण्डिएको अवस्थामा भेटिएको हो। प्रारम्भिक अनुसन्धानमा उनी महेन्द्रनगरबाट आफन्तकोमा अत्तरिया आएको खुलेको छ।
प्रहरीले घटनाको विस्तृत अनुसन्धान सुरु गरिसकेको जनाएको छ। थप विवरणहरू संकलनको क्रममा रहेको र घटना शंकास्पद भएको अनुमान गरिए पनि हालसम्म कुनै निष्कर्षमा पुगिएको छैन।
