धनगढी। कैलालीको धनगढी उपमहानगरपालिका-१९ बाईसघरस्थित मोहना नदीमा नुहाउने क्रममा बेपत्ता भएका दुई जनाको शव सशस्त्र प्रहरीले फेला पारेको छ । स्थानीय १५ वर्षका दिनेश ओझा र १६ वर्षका आशिष बोहरा नुहाउने क्रममा बेपत्ता भएका थिए ।
सशस्त्र प्रहरी बल नेपाल बीओपी लल्लिपुर र बीओपी फुलबारीबाट खटिएको टोलीले उनीहरूको शव निकालेको हो ।
सशस्त्र प्रहरीले खोजी गर्ने क्रममा ओझाको शव डुबेकै स्थानमा र बोहराको शव केही तल फेला पारेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।
