काठमाडौं – प्रधानमन्त्री केपी शर्मा ओली मंगलबार दिउँसो थाइल्याण्डको औपचारिक भ्रमणमा जाँदैछन्। उनी बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को छैटौं शिखर सम्मेलनमा सहभागी हुने कार्यक्रम रहेको छ।
प्रधानमन्त्रीको निजी सचिवालयका अनुसार ओलीले मंगलबार दिउँसो १२:३० बजे त्रिभुवन अन्तर्राष्ट्रिय विमानस्थलको अति विशिष्ट कक्षमा पत्रकारहरूसँग भेट गर्नेछन्। त्यसपछि उनी थाइल्याण्ड प्रस्थान गर्ने कार्यक्रम छ।
बैंकक बसाइका क्रममा प्रधानमन्त्री ओलीले बिम्स्टेक शिखर सम्मेलनलाई सम्बोधन गर्नेछन्। उनी २३ गते शनिबार स्वदेश फर्किनेछन्।
