डडेल्धुरा:डडेल्धुराको जोगबुडा स्थित त्रिवेणी बहुमुखी क्याम्पसमा सम्पन्न स्वतन्त्र विद्यार्थी युनियन (स्ववियु) निर्वाचनमा नेपाल विद्यार्थी संघ (नेविसंघ) को प्यानल विजयी भएको छ।
एमाले निकट अनेरास्ववियु र माओवादी केन्द्र निकट अखिल (क्रान्तिकारी)को संयुक्त प्यानललाई पराजित गर्दै नेविसंघबाट अध्यक्ष पदमा प्रकाश अवस्थीको नेतृत्वमा बनेको प्यानल विजयी भएको हो।
संयुक्त प्यानलका अध्यक्ष पदका उमेदबार भोज लुहारले १ सय ३२ मत प्राप्त गर्दा नेविसंघबाट अध्यक्ष पदका उमेदबार प्रकाश अवस्थीले १ सय ६७ मत प्राप्त गर्दै विजय भएका हुन् ।
निर्वाचित अन्य पदाधिकारीहरूमा सचिव भुवन बोहरा, कोषाध्यक्ष बिन्द्रा धामी रहेका छन्। त्यस्तै, सदस्यहरूमा केशव बोहरा, निर्मला धामी, सरस्वती सुनार, अस्मिता खड्का, उषा पाण्डेय (उर्मिला) र निराजन बोहरा विजयी भएका छन्।
