डडेल्धुरा । बैतडीमा जीप दुर्घटना हुँदा दुई जनाको मृत्यु भएको छ भने छ जना घाइते भएका छन्।
धनगढीबाट दार्चुलाको गन्नातर्फ जाँदै गरेको जीप शनिबार बिहान बैतडीको पाटन–६ स्थित खिपालीमा दुर्घटना भएको हो।
डिलासैनी गाउँपालिका–१ का २४ वर्षीय चालक सन्तोषबहादुर राना र ३२ वर्षीय किरण बोहराको घटनास्थलमै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिनुभयो।
दुर्घटनामा जीपमा रहेका अन्य छ जना घाइते भएका छन्। जीप सडकबाट करिब १०० मिटर तल भिरमा अड्किएको प्रहरीले जनाएको छ।
दुर्घटनाको कारण भने खुल्न सकेको छैन।
