बैतडी: बैतडीमा चितुवाको बच्चा मृत फेला परेको छ। जिल्लाको दशरथचन्द नगरपालिका–७ को कोइराली सामुदायिक वनमा चितुवाको बच्चा मृत फेला परेको हो।
हिजो (शुक्रबार) बेलुका ५ बजेको समयमा स्थानीयहरुले वनमा चितुवाको बच्चा मृत फेला परेको देखेपछि प्रहरीलाई खबर गरेका थिए।
शनिबार बिहान डिभिजन वन कार्यालयको टोली र जिल्ला प्रहरी कार्यालयको टोलीले मृत चितुवाको बच्चलाई मृत फेला परेको स्थानबाट डिभिजन वन कार्यालयमा ल्याएर व्यवस्थापन गरेको जिल्ला प्रहरी कार्यालय बैतडीका सूचना अधिकारी, प्रहरी निरीक्षक नन्दराज जोशीले जानकारी दिए।
चितुवाको बच्चा करिब ५ महिनाको रहेको बुझिएको छ। मृत्युको कारण खुल्न सकेको छैन्।
