डडेल्धुरा:डडेल्धुराको आलितालमा एक महिला हिजो(शुक्रबार) देखि सम्पर्क बिहिन भएकी छिन् ।
जिल्लाको आलिताल गाउंपालिका वडा न. ५ का हिक्मत बिष्टको श्रीमति अन्दाजी २५ बर्षिया पार्वति विष्ट हिजो दिउसो करिब २ बजेबाट सम्पर्क बिहिन भएकी हुन् । सम्पर्क विहिन भएकी विष्टलाई प्रहरीको अगुवाईमा खोजी कार्य भईरहेको इलाका प्रहरी कार्यालयका प्रहरी निरीक्षक गगन सिंह भांटले जानकारी दिए ।
घाँस काट्न जान्छु भन्दै घांस बोक्ने नाम्लो समाई हिडेकी विष्टको घर नजिकैको जंगलमा चप्पल,हसिया,दोपट्टा र घांसको मुठा सम्म फेला परेको र घास बाध्ने डोरी फेला नपरेको हुदा अप्रिय घटना भएको आशंकामा प्रहरी र स्थानियले नजिकैको जंगलमा खोजीकार्य गरिरहेको बताए । विष्टको हिजो सांझ सम्म टेलिफोनमा घण्टी सम्म गईरहेको र आज सम्पर्क हुन नसकेको परिवारले बताएको छ ।
