डडेल्धुरा: नेपाल आदिबासी जनजाती महासंघ समन्वय परिषद डडेल्धुराले आफ्नो दोस्रो अधिबेसन बिविध सांस्कृतिक कार्यक्रम सहित आलितालमा गर्ने भएको छ ।
महासंघको आह्रवानमा मिति २०८० माघ १४ गते बसेको आम भेलाले महासंघको दोस्रो अधिबेसन यहि फागुन २४ गते आलितालमा बिविध सांस्कृतिक कार्यक्रम सहित गर्ने निर्णय गरेको हो ।
लामो समय निस्कृय जस्तै रहेको डडेल्धुराको महासंघले यस दोस्रो अधिबेसन भने आदिवासी जनजातिको मौलिक तथा साँस्कृतिक भेषभुषा सहितको झाँकी प्रदर्शन सहित गर्ने भएको सहासंघका संयोजक पदम बहादुर डालामगरले जानकारी दिए ।
महासंघले डडेल्धुराको नयाँ नेतृत्व चयन गर्नेछ । निर्वाचित नयां नेतृत्वले जिल्लामा रहेको भाषा, सँस्कृति र पहिचानका विषयमा आवश्यक नीति, योजना तथा कार्यक्रम तय गर्ने जनाएको छ ।
