धनगढीः धनगढीबाट विराटनगरतर्फ गइरहेको बस दुर्घटना भएको छ। पूर्वपश्चिम महेन्द्र राजमार्गअन्तर्गत हेटौँडा–पथलैया सडकखण्डमा धनगढीबाट गइरहेको यात्रुवाहक बस दुर्घटना हुँदा एक जनाको मृत्यु भएको छ भने अन्य २७ जना घाइते भएका छन्। घाइतेमध्ये चार जनाको अवस्था गम्भीर रहेको छ।
मंगलवार बाराको जितपुरसिमरा उपमहानगरपालिका–२२ को ३ नम्बर पुल भन्ने स्थानमा दुर्घटना भएको हो। धनगढीबाट विराटनगरतर्फ गइरहेको बस पुल नजिक खोलामा खसेको इलाका प्रहरी कार्यालय सिमराले जनाएको छ।
