कञ्चनपुरः कञ्चनुरमा हाइसले ठक्कर दिँदा एक महिलाको मृत्यु भएको छ। आफ्नै घरको आगनमा हाइसले ठक्कर दिँदा बेदकोट नगरपालिका–१० शिशैया हरपालकी ४० वर्षीया मञ्जु रावल कठायतको मृत्यु भएको जिल्ला प्रहरी कार्यालय कञ्चनपुरले जनाएको छ।
बागमती प्रदेश को ०१०२९ च २८०६ नम्बरको हाइस आगनमा पार्किङ गरेर राखिएको थियो। हाइस पार्किङबाट निकाल्ने क्रममा मञ्जुलाई ठक्कर दिएको बताइएको छ।
हाइसको ठक्करबाट घाइते भएकी उनको उपचारको क्रममा मायामेट्रो अस्पताल धनगढीमा मृत्यु भएको थियो। प्रहरीले दुर्घटनाका सम्बन्धमा थप अनुसन्धान गरिरहेको छ।
