काठमाडौँ– नेत्रविक्रम चन्द विप्लव नेतृत्वको नेपाल कम्युनिष्ट पार्टीले स्थानीय चुनावमा सहभागिता नजनाउने निर्णय गरेको छ ।
कपिलवस्तुमा जारी केन्द्रीय समितिको बैठकले चुनावमा नजाने अनि बहिष्कार पनि नगर्ने निर्णय गरेको हो ।
बैठकमा महासचिव विप्लवले पेस गरेको स्थानीय चुनावलाई उपयोग गर्नुपर्ने प्रतिवेदन पारित गर्दै यो निर्णय गरिएको हो ।
चुनावमा जानुपर्ने विप्लवको प्रस्तावको विपक्षमा बहुमत केन्द्रीय सदस्य देखिएपछि मध्यमार्गी विकल्प खोजिएको नेता धर्मेन्द्र बास्तोलाले जानकारी दिएका छन् ।
नेकपाको ६९ सदस्यीय केन्द्रीय समितिमा ४४ जना विप्लवको विपक्षमा देखिएको थिए ।
