डडेल्धुरा: दशरथचन्द राजमार्ग अन्तर्गत अनारखोलीमा बस दुर्घटना भएको छ। बैतडीको पाटन नगरलालिका-८ मा पर्ने उक्त स्थानमा नेपालगन्ज मेडिकल कलेजको बस दुर्घटना भएको प्रहरीले जनाएको छ।
केही बेरअघि(सोमबार राति १० बजे) भे १क ३१८ नम्बरको उक्त बस अनारखोलीको तल्लो मोडमा दुर्घटनामा परेको हो। बसमा १७ जना सवार रहेकोमा ६ जना घाइते भएको प्रहरीले जानकारी दिएको छ।
दुर्घटनाको पूर्ण विवरण आउन बाँकी छ। अहिले प्रहरी र स्थानीय उद्दारमा खटिएका छन्।
मेडिकल कलेजको बस दार्चुलामा स्वास्थ्य शिविरको लागि आउँदै गरेको बैतडीका प्रहरी प्रवक्ता, प्रहरी निरीक्षक लाेकराज जाेशीले बताए।
