डडेल्धुरा:परशुरामको कार्यपालिका बैठकमा ताण्डप भएको छ । डडेल्धुराको परशुराम नगरपालिकाको कार्यपालिका बैठकमा आज प्रमुख प्रशासकिय अधिकृत कृष्ण देब जोशी माथी कुर्ची प्रहार समेत भएको हो ।
शिक्षा शाखा प्रमुख लक्ष्मी बिष्टको काज फिर्ताको बिषयलाई लिएर कार्यपालिकामा झगडाको सुरुवात भएको नगर प्रवक्ता तथा वडा न. ६ का वडा अध्यक्ष खगेन्द्र सिंह ठकुरीले जानकारी दिए । प्रवक्ता समेत रहेका ठकुरीका अनुसार वडा न.१ का अध्यक्ष लाल बहादुर धामीले शिक्षा शाखा प्रमुख लक्ष्मी बिष्टको काज फिर्ताको प्रस्ताव राखेका राखेका थिए । तर प्रमुख प्रशासकिय अधिकृत जोशीले काज फिर्ताको कुनै कारण नभएको बताएका थिए । सोही बिषयमा बिबाद हुदा माओबादि समर्थकहरुले अधिकृत माथी कुर्ची प्रहार गरेको बताए । कुर्ची प्रहार पछि प्रशासकिय अधिकृत अस्पताल भर्ना भएका छन । उनको टाउकोमा चोट लागेको छ । अहिले टाउकोमा तीन टाका लागीसकेको स्रोतले बताएको छ ।
अहिले घटनाको प्रहरीले अनुसन्धान गर्दै गरेको समेत प्रवक्ता ठकुरीले बताएका छन ।
