डडेल्धुरा : डडेल्धुराको आलितालमा आगलागी पिडितलाई आलिताल गाउंपालिकाले सहयोग गरेको छ । पालिकाले वडा न. ३ लुवालेक बस्ने अम्मर बहादुर बुढाको घरमा
गएर तत्कालको लागि चामल दाल तेल नुन लगाएतका खाद्यान्न सहयोग गरेको हो ।
पालिकाले दुइृ क्वीन्टल चामल,दुई पेटी तेल,दश केजि नुन तेस्तै दाल लगाएतका खाद्यान्न सहयोग गरिएको वडा न. ३ का अध्यक्ष बल बहादुर बुढामगरले जानकारी दिए । अध्यक्ष बुढामगरले अब छिट्टै प्रकृया पुगाएर वडा बाट जस्तापाता पनि सहयोग गर्ने योजना रहेको बताए ।
बुधबार बुढामगरको घरमा कोहि नभएको बेला चुलोबाट सल्केको आगोले २ वटै घर जलेर नष्ट हुनुका साथै घर भित्र रहेको अन्नबालि ,लुगा कपडा, भाडाबर्तन ,आवश्यक कागज र नगद ५० हजार जलेर नष्ट भएको थियो ।
