डडेल्धुरा : डडेल्धुराको आलिताल गाउँपालिकाको प्रवक्तामा योगेन्द्र बहादुर देउवा चयन भएका छन् । आइतबार बसेको गाउँ कार्यपालिकाको बैठकले उनलाई प्रवक्ता तोकिएको हो ।
आज (आइतबार)बसेको गाउँकार्यपालिका बैठकबाट वडा न. १ का अध्यक्ष समेत रहेको योगेन्द्र बहादुर देउबालाई पालिकाको प्रवक्ता तोकिएको अध्यक्ष शेर सिंह पार्कीले जानकारी दिए । गाउँपालिकाबाट सम्पादन भएका कार्यको जानकारी दिन तथा कार्यपालिकाको निर्णय तथा कार्यान्वयनको आधिकारिक जानकारी दिनका लागि देउबालाई प्रवक्ता तोकिएको समेत अध्यक्ष पार्कीले बताए ।
यस अघि वडा न. ७ का अध्यक्ष बिर बहादुर बोहरा प्रवक्ता रहदै आएका थिए । प्रवक्ता चयन भएका देउबाले पालिकाको नियमीत कामकाजलाई मिडिया मार्फत जनतामा ल्याउने प्रतिबद्धता समेत जनाउनु भएको छ ।
