डडेल्धुरा — डडेल्धुराको परशुराम नगरपालिका–७ सादनीका १३ वर्षीय प्रकाश भट्टको सर्पदंशबाट मृत्यु भएको छ।
शिवशंकर मावि सादनीमा कक्षा ९ मा अध्ययनरत भट्टलाई आज (बिहीबार) बिहान घरको आँगनमै सर्पले डसेको थियो। तत्कालै उनलाई नजिकैको जोगबुडा अस्पताल लगिएको भए पनि चिकित्सकहरूले उनको मृत्यु भइ सकेको जनाएको छ।
प्रकाश भट्ट परशुराम–७ सादनीका देबदत्त भट्टका छोरा हुन्। मृतकको शव अहिले पोस्टमार्टमका लागि राखिएको छ। घटनाबारे थप अनुसन्धान भइरहेको प्रहरीले जनाएको छ।
