डडेल्धुरा : डडेल्धुरामा विषालु च्याउ खाँदा एक बृद्धको मृत्यु भएको छ।
डडेल्धुराको आलिताल गाउँपालिका -१ मेलखर्क बस्ने बर्ष ७० का देब बोहराको विषालु च्याउ खाँदा मृत्यु भएको हो।
जिल्ला प्रहरी कार्यालय डडेल्धुराका अनुसार ७० वर्षका बोहराले सावन ७ गते आफ्नै बारीमा उम्रेको च्याउ खाएका थिए। त्यसपछि उनी विरामी परेपछि उपचारका लागि डडेल्धुरा अस्पतालमा भर्ना गरिएको थियो।
उपचार कै क्रममा आज अस्पतालमै उनको मृत्यु भएको प्रहरीले जनाएको छ।मृतकको शव पोष्टमार्टमका लागि डडेल्धुरा अस्पतालमा राखिएको छ र घटनाबारे थप अनुसन्धान भइरहेको प्रहरीले जनाएको छ।