विश्व हिन्दु युवा संघ जिल्ला कार्यसमिति डडेल्धुराले भोलि ९ गते एक कार्यक्रम आयोजना गरेको छ । वैशाख शुक्ल तृतीयाका दिनको अवसरमा विश्व हिन्दु युवा संघ जिल्ला कार्यसमिति डडेल्धुराले परशुराम नगरपालिका स्थित परशुराम धाममा कार्यक्रमको आयोजना गरिएको विश्व हिन्दु युवा संघ डडेल्धुराका जिल्ला अध्यक्ष रोहन ऐरले जानकारी दिए।
साथै उक्त संघले हिन्दू धर्मप्रति आस्थावान सम्पुर्ण भक्तजनहरुको गरिमामय उपस्थितिका लागि निमन्त्रणा समेत गरेको छ ।
‘अष्टचिरन्जिवी मध्येका एक, विष्णु भगवानका छैटौं अवतार श्री परशुराम भगवानको वैशाख शुक्ल तृतीया अक्षय तृतीयाका दिन यस धर्तीमा ऋषी जमदग्नी र रेणुकाका कोखबाट पाँचौ पुत्रको रुपमा प्रकट भएको दिनको सम्झनामा परशुराम धाममा धार्मिक संगठनले विभिन्न कार्यक्रम राखेको हुदा हिन्दू धर्मप्रति आस्थावान सम्पुर्ण श्रद्धालु भक्तजनहरुको गरिमामय उपस्थितिका लागि अनुरोध समेत गरेको छ ।
