कार्तिक ५, दिपावलीमा प्रयोग हुने प्लास्टिकबाट निर्मित मालाहरु बिक्री बितरण गर्न नपाइने भएको छ ।
नेपाल सरकारको निर्देशन अनुसार प्लास्टिकबाट निर्मित मालाहरु बिक्री बितरण गर्न नपाइने भएको हो । शनिबार आलिताल गाउँ पालिकाको संयोजकत्वमा र जिल्ला प्रशासन कार्यालय डडेल्धुरा,खाद्य प्रबिधी तथा गुण नियन्त्रक कार्यालय, जिल्ला प्रहरी कार्यालयको संयुक्त सहभागितामा आलितालको बिभिन्न बजारमा अनुगमनको क्रममा फेला परेको प्लाष्टिकका फुलका मालाहरु बरामत गरि नष्ट गरिएको छ ।
अनुगमनको क्रममा महादेब पार्वति एण्ड सप्लायर्स र अन्य खुद्रा बिक्रेताहरुले प्लास्टिकबाट निर्मित फुलका मालाहरु बिक्री बितरण गर्ने क्रममा फेला पारे पछि टोलीले मालाहरु नष्ट गरेको हो । टोलीमा सहभागी सहायक जिल्ला प्रमुख हेम प्रसाद ढकालले पहिलो पटक भएकोले प्राप्त प्लाटिक जन्य मालाहरुलाई कैचिले काटेर सप्लायर्सलाई नै फिर्ता गर्ने गरि बुझाएको बताए । साथै उपरान्त यस्ता प्लास्टिकबाट निर्मित मालाहरु बिक्री बितरण नगर्न समेत सुझाए । सप्लायर्सका सञ्चालक रामानन्दले आफहरुलाई सरकारले प्रतिबन्ध गरेको भनि जानकारी नभएकोले मालाहरु बजारमा ल्याएको बताए । उनका अनुसार पच्चिस हजार बराबरको मालाहरु नष्ट भएको बताए ।
यो पनि पढ्नुहोस्
https://diyalokhabar.com/archives/1291
