सावन २०
भारतको उत्तराखण्ड मा पहिरो जादा दुई जना नेपाली को मृत्यु भएका छन् भने १४ नेपाली अझै बेपत्ता छन्। बिहीवार राति रुद्रप्रयाग जिल्लाको गौरीकुण्ड बजार (केदारनाथधामको पैदलमार्ग सुरु हुने स्थानमा)मा पहिरोमा १९ मध्ये तीन जनाको शव फेला परेको छ। मृतकमध्ये दुई नेपाली हुन्, १४ नेपाली अझै बेपत्ता छन्।
वेपत्ता भएकाहरुमध्ये दुई जनाको शव फेला परेको र त्यसलाई पोष्टमार्टमका लागि पठाइएको नेपाली दूतावासका प्रहरी वरिष्ठ उपरीक्षक उमा प्रसाद चतुर्वेदीले जानकारी दिए। वेपत्ता अन्य नेपालीहरुको खोजी र पहिचान गर्ने प्रयास भरहेको उनले जानकारी दिए।
