डडेल्धुरा ः डडेल्धुरामा एक युवक मृत फेला परेका छन्।
बुधबार बिहान जिल्लाको अमरगढी नगरपालिका–९ का २६ वर्षीय श्याम भट्ट मृत फेला परेका हुन्। उनी हिजो साँझ बजार जान्छु भन्दै घरबाट हिँडेको भन्ने बुझिएको जिल्ला प्रहरी कार्यालय डडेल्धुराका डिएसपी दीपकुमार कार्कीले बताए।
उनले प्रारम्भिक अनुसन्धानका क्रममा उनी भीरबाट लडेको भन्ने बुझिएको र थप अनुसन्धान भइरहेको जानकारी दिए। मृतक भट्ट सरकारी वकिल कार्यालय दिपायलमा कार्यरत रहेको बुझिएको छ।