धनगढी : मौसम पूर्वानुमान महाशाखाले अहिले काठमाडौँ उपत्यकासहित देशका विभिन्न भागमा वर्षा भइरहेको जनाएको छ ।
मौसमविद् गोविन्द झाले अहिले काठमाडौँ उपत्यकाको त्रिभुवन अन्तर्राष्ट्रिय विभानस्थल क्षेत्र र ललितपुरको फुलचोकी आसपासको क्षेत्रमा वर्षा भइरहेको जानकारी दिएका हुन् ।
यसैगरी, कोशी प्रदेश,बागमती, गण्डकी ,लुम्बिनी र सुदूरपश्चिम प्रदेशमा मेघ गर्जनसहित वर्षा भइरहेको उनले बताए ।
यो वर्षा आज केही बेरमा रोकिने सम्भावना रहे पनि बिहीबार र शुक्रबारसम्म नै वर्षाको सम्भावना रहेको उनले जानकारी दिए ।
न्यूनचापीय प्रणाली, स्थानीय वायु र बंगालको खाडीबाट आएको जलवाष्पयुक्त वायुका कारण वर्षा भएको हो ।
