डडेल्धुरा — डडेल्धुराको आलिताल गाउँपालिकामा निशुल्क आँखा शिविर सन्चालन हुने भएको छ ।
गोदाम स्थित स्वास्थ्य चौकीमा यहि जेठ १५ र १६ गते निशुल्क आँखा शल्यक्रिया शिविर सञ्चालन हुने भएको हो।
आलिताल गाउँपालिका वडा नं. ८ को आयोजनामा र च्यारिटी हेल्थ फाउन्डेसन नेपालको आर्थिक सहयोग तथा धनगढी नेत्रालय र श्रीकृष्ण आँखा अस्पतालको प्राविधिक सहयोगमा शिविर सञ्चालन गरिन लागेको हो।
शिविरमा आँखाका सबै प्रकारका बिरामीहरूको निःशुल्क स्वास्थ्य परीक्षण गरिनेछ। साथै, मोतिबिन्दु र आँखामा मासु पलाएका बिरामीहरूको निःशुल्क शल्यक्रिया गरिनेछ। शल्यक्रियापछि बिरामीलाई आवश्यक औषधी, कालो चस्मा र दृष्टि सुधार गर्न मिल्ने चस्मा पनि वितरण गरिने वडा अध्यक्ष धन बहादुर देउवाले जानकारी दिए।
गाउँपालिका कार्यालयले सबै स्थानीयलाई शिविरमा उपस्थित भई आँखा परीक्षण गराउन आग्रह समेत गरेको छ।
