अछाम : करेन्ट लागेर अछाममा एक जनाको ज्यान गएको छ। मृत्यु हुनेमा जिल्लाको साँफेबगर नगरपालिका–१४ पातलकोटका ४५ वर्षीय वीरे साउँद रहेका छन्।
वडास्तरीय दलित सञ्जालको भवन मर्मतको क्रममा पुरानो कर्कटपाता हटाउँदै नयाँ छाउने क्रममा विद्युत् मेन लाइनमा कर्कटपाता छोइएपछि करेन्ट लागेर सोमवार बिहान साउँदको मृत्यु भएको वडाध्यक्ष संजु थापाले जानकारी दिए।
मृतकका भतिजा शंकर साउँदका अनुसार घटनाको बेला पानी परिरहेको थियो। वीरे साउँद मिस्त्रीका रूपमा काम गर्दै आएका थिए।