दार्चुला — जिल्ला दार्चुला महाकाली नगरपालिका–४ स्थित जिल्ला प्रहरी कार्यालयको गेट अगाडि एक महिला बेहोस अवस्थामा फेला परेकी छन्। आज मिति २०८२ असार २८ गते साँझ करिब ५ बजे अस्पतालबाट फर्किने क्रममा ती महिला अचानक बेहोस भई लडेकी थिइन्।
उक्त घटनापछि तत्काल खटिएको प्रहरी टोलीले ती महिलालाई उद्धार गरी थप उपचारका लागि अस्पताल पठाएको जिल्ला प्रहरी कार्यालय दार्चुलाले जनाएको छ।
प्रहरीका अनुसार बेहोस अवस्थामा फेला परेकी महिलाको परिचय खुलाउन र स्वास्थ्य अवस्था बुझ्न थप अनुसन्धान भइरहेको छ। प्रहरीले नागरिकलाई कुनै अप्रिय घटना देख्नासाथ नजिकको प्रहरीमा जानकारी दिन समेत अनुरोध गरेको छ।
