डडेल्धुरा — डडेल्धुराको गन्यापधुरा गाउँपालिका–३ डिलमा श्रीमतीको हत्या गरी फरार रहेका एक व्यक्तिलाई प्रहरीले पक्राउ गरेको छ।
जिल्ला प्रहरी कार्यालय डडेल्धुराका अनुसार ५४ वर्षीय करन भुलले आफ्नै घरमा आफ्नी श्रीमती अन्दमजी ४० वर्षीया खिमा देवी भुललाई हंसिया प्रहार गरी हत्या गरेका थिए। हत्या गरेर फरार रहेका उनलाई आज बिहान ६ः५५ बजे प्रहरीले पक्राउ गरेको हो।
प्रहरी टोलीले जत्या गरि भाग्दै गरेको अवस्थामा गन्यापधुरा गाउँपालिका–३ गोयलखेतबाट करन भुललाई पक्राउ गरी जिल्ला प्रहरी कार्यालयको हिरासतमा राखेको छ। घटनासम्बन्धी थप अनुसन्धान भइरहेको जिल्ला प्रहरी कार्यालय डडेल्धुराले जनाएको छ।