डडेल्धुरा माघ १९
डडेल्धुराको आलिताल गाउँपालिकामा हुने भनिएको चौथो अध्यक्ष कप भलिवल प्रतियोगिता मिति सरेको छ ।
प्रतियोगिता माघ १६ गते देखि संचालन हुने सुचना जारी गरिएता पनि खराब मौसमका कारण माघ २५ गतेका लागी सारिएको आयोजकले बताएको छ ।
माघ २५ गते देखि २७ गते सम्म चल्ने चौथो अध्यक्ष कप भलिवल प्रतियोगितामा प्रथम हुनेलाई ६० हजार पुरस्कार प्रदान गरिने आयोजकले सूचनामा उल्लेख गरेको छ । तेस्तै द्धितिय पुरस्कार ५० हजार र तृतिय पुरस्कार ४० हजार दिने बताइएको छ । प्रतियोगितामा महिला र पुरुष दुबै तर्फको खेल हुनेछ भने पुरस्कार पनि महिला पुरुष दुबैलाई समान राखिएको छ ।
प्रतियोगिता सञ्चालनका लागि आम भेलाले पालिका खेलकुद समितिका अध्यक्ष धिरेन्द्र बोहराको संयोजकत्वमा ११ जना व्यवस्थापन तथा निर्देशन समिति गठन गरेको छ ।
समितिले पालिका भित्र रहेका सरकारी कार्यालय,संघ संस्था, बिद्यालय तथा क्लबहरुलाई सहभागीका लागी निबेदन गर्न आह्वान गरेको छ ।
प्रतियोगिता आलिताल गाउंपालिकाको प्रांगणमा सञ्चालन हुने समेत आयोजकले बताएको छ ।
भेलाले वार्षिक रुपमा हुने राष्टपति रनिंग सिल्ड प्रतियोगीता पनि संचालन गर्ने निर्णय गरेको छ । भेलाले रनिंग शिल्ड संचालनकने लागी व्यवस्थापन तथा निर्देशन समितिको जिम्मा दुर्गा माध्यमिक बिध्यालयलाई दिने निर्णय समेत गरेको छ । रनिंग शिल्ड प्रतियोगीता माघ २० गते (भोली)देखि माघ २२ गते सम्म संचालन हुने छ ।
पालिकाले जारी गरेको सूचना
