डडेल्धुराः डडेल्धुराको अजयमेरु गाउँपालिकाले एम्बुलेन्स सेवा थप गरेको छ ।
विकट वडाका जनतालाई सेवा दिने उद्धेश्यका साथ एम्बुलेन्स सञ्चालनमा ल्याएको हो ।बिहीबारदेखि पालिकाले वडा नम्बर ५ र ६ लाई लक्षित गर्दै एम्बुलेन्स सञ्चालनमा ल्याएको हो।
गाउँपालिकाबाट टाढा रहेका दुबै वडाका नागरिकको सुविधाका लागि देवल स्वास्थ्य चौकीबाट एम्बुलेन्स सेवा प्रारम्भ गरेका गाउँपालिकाका अध्यक्ष उमेशप्रसाद भट्ट ‘विकास’ ले जानकारी दिए।