डडेल्धुरा । डडेल्धुराको परशुराम नगरपालिकाको एक गोठमा आगलागी हुँदा ३ चौपाया जलेर मृत्यु भएका छन् भने ३ चौपाया सिकिस्त घाइते भएका छन् ।
परशुराम नगरपालिका–१२ खजुरानीका ४२ वर्षीय केशव भट्टराईको काठले बनेको जस्तापाताले छाएको कच्ची गाई गोठमा आगालागी हुँदा गोठमा बाँधेका ३ चौपाया जलेर मरेका हुन् भने ३ चौपाया घाइते भएको जोगबुदाका प्रहरी वरिष्ठ नायक निरीक्षक माधव दत्त जोशीले बताउनु भयो ।जोशीका अनुसार घाइते पशुको पनि अबस्था गम्भीर रहेको बताए ।
मच्छर भगाउन गोठ बाहिर बालेको स्याउलाको आगो सल्किँदा आगलागी भएको जोशिले बताए। आगलागीबाट गोठ पूर्ण रुपमा जलेको छ ।
ईलाका प्रहरी कार्यालय जोगबुढाबाट गएको टोली र स्थानीय वासिन्दाको सहयोगमा आगो निभाइएको थियो ।
