आलिताल असार १७
डडेल्धुराको आलितालमा मकै उत्पादन गर्ने किसानलाई कृषि यान्त्रीकरण सामाग्री हस्तान्तरण गरिएको छ । मकै प्रबद्र्धन कार्यक्रम अन्तर्गत आलिताल गाउंपाकिा वडा न. ५ का मकै उत्पादन गर्ने किसानहरुलाई ७ एपीको मिनिटिलर १७ थान , त्रिपाल २०० थान पंखा २० वटा , कर्न सेलर जस्ता कृषि सामाग्री पचास प्रतिशत अनुदानमा बितरण गरिएको हो ।
आलिताल गाउंपाकिाको पचास प्रतिशत अनुदान र किसानको पचास प्रतिशत लगानीमा खरिद गरिएको सामाग्री वडा न.५ भित्रिसैनमा रहेको भगवति कृषक समुह ५ न. वडा कै सुन्दरनगर कृषक समुह , बाहिरीसैनमा रहेको बरपिपल कृषक समुह र बास कृषक समूहका किसानलाई उक्त सामाग्री हस्तान्तरण गरिएको हो ।
उक्त कार्यक्रमको आजै सर्वजनिक सुनुवाइ समेत गरिएको छ । बरपिपल कृषक समुहका सचिव कृष्ण दत्त जोशिको अध्यक्षतामा र सामाजिक तथा आर्थिक समितिका सयोजक तथा वडा न। ८ का अध्यक्ष धन बहादुर देउवाको प्रमुख अतिथ्यतामा सम्पन्न भएको कार्यक्रममा वडा न.५ का अध्यक्ष डम्मर बहादुर ढांट ,कार्यपालिका सदस्य कलावती नाथ लगाएतको उपस्थिती रहेको थियो । उक्त क्षेत्रमा बार्षिक पचास टन भन्दा बढी मकै उत्पादन हुने गर्दछ । यहांका किसानले प्राय जसो रामपुर कम्पोजिट र अरुण २ जातको मकैको खेति गर्ने गर्दछन् । यसरी मकै प्रबद्र्धन गर्न पालिकाको सहयोग पश्चात मकै उत्पादनमा सहज तथा उत्पादनमा बृद्धि हुनेमा अपेक्षा गरिएको देउबाले बताए ।
