दैलेख – भैँसीकाे जिउले च्यापिदा दैलेखमा एक जनाको ज्यान गएको छ । भैंसीले च्यापिएर दैलेखकाे नारायण नगरपालिका–१० का ५५ वर्षीय चक्रबहादुर कटुवालको ज्यान गएको हाे ।
वनमा चराउनका लागि लैजाँदै गरेको भैँसी ओरालोमा लड्न लागेको बेला काँध थाप्दा भैँसीको जिउले च्यापिएर कटुवालको ज्यान गएको हाे ।
भैंसीले च्यापिदा गम्भीर घाइते हुनुभएका कटुवालको दैलेख अस्पतालमा उपचारका क्रममा ज्यान गएको प्रहरी इञ्चार्ज प्रहरी नायब उपरीक्षक (डीएसपी) किशोर लम्सालले जानकारी दिनुभयो । कटुवाल नगरपालिका–१० का वडा सचिवमा कार्यरत थिए ।
