डोटी : सेती नदीमा डुबेर एक बालक बेपत्ता भएका छन् भने एक जनाको उद्धार गरिएको छ।
जिल्लाको दिपायल सिलगढी नगरपालिका-३ तेल पारे बगरका ५ वर्षीय बालक सुशान्त साउँद बेपत्ता भएका छन् भने चार वर्षीय बालक मिलन साउँदलाई स्थानीयले उद्धार गरेका हुन् । जिल्ला प्रहरी कार्यालय डोटीका अनुसार हिजो(बिहिवार) दुबै जना सेती नदिमा पौडी खेल्ने क्रममा सुशान्त साउँद नदिले बगाउदा बेपत्ता भएको र उनीसँगै डुबेका चार वर्षीय बालक मिलन साउँदलाई स्थानीयले उद्धार गरेका बताएका छन् ।
मिलनको अहिले डडेल्धुरा अस्पतालमा उपचार भइरहेको प्रहरी निरीक्षक लक्ष्मी जोशीले जानकारी दिए। बेपत्ता सुशान्तको खोजी कार्य जारी रहेको छ। खोजीका लागि आफन्त नेपाल प्रहरी, सशस्त्र प्रहरी परिचालन गरिएको छ।