धनगढी । दोस्रो संस्करणको नेपाल प्रिमियर लिग (एनपिएल) क्रिकेटका लागि सुदूरपश्चिम रोयल्सले आफ्ना ६ खेलाडीलाई रिटेन गरेको छ। साविक उपविजेता सुदूरपश्चिमले शनिबार एक सूचना जारी गर्दै रिटेन तथा रिलिज गरिएका खेलाडीहरूको सूची सार्वजनिक गरेको हो।
टोलीले राष्ट्रिय टोलीका उपकप्तान दीपेन्द्रसिंह ऐरीलाई मार्की खेलाडीको रूपमा पुनः रिटेन गरेको छ। साथै, विनोद भण्डारी, आरिफ शेख, अविनाश बोहरा, इशान पाण्डे र नरेन साउँद पनि कायम राखिएका छन्।
यता, अर्जुन कुमाल, नरेश बुढाथोकी, खडकबहादुर बोहरा, भोजराज भट्ट, अमित श्रेष्ठ र वसन्त खत्रीलाई भने टिमबाट रिलिज गरिएको छ।
गएको संस्करणको फाइनलमा सुदूरपश्चिम रोयल्स **जनकपुर रोयल्स (बोल्ट्स)**सँग पराजित भएको थियो।
