बझाङः भूकम्पपछिको पहिरोमा परेर बझाङमा एक महिलाको मृत्यु भएको पुष्टी भएको छ । भूकम्पपछिको पहिरोमा परेर बझाङमा बेपत्ता भएकी महिलाको शव आज फेला परेको हो । टिमुर टिप्न मंगलवार दिउँसो गाउँनजिकैको जङ्गलमा गएकी एक महिलाको शव फेला परेको हो ।
जिल्लाको जयपृथ्वी नगरपालिका–११ ओखल गाउँकी ४० वर्षीया गुनमति धामीको शव आज फेला परेको हो । पहिरोमा च्यापिएको अवस्थामा फेला परेको शव निकाल्न जिल्ला प्रहरी कार्यालय बझाङबाट इन्स्पेक्टर दीपेश चौधरीको नेतृत्वमा टोली खटिएको जिल्ला प्रहरी कार्यालय बझाङले जानकारि दिएको छ ।
भूकम्पबाट बझाङमा मात्रै १३ जना घाइते भएका छन् । भूकम्पले सदरमुकाम चैनपुरसहित आसपास गाउँका केही घर, विद्यालय र वडा कार्यालय गरी अहिलेसम्म एक सय ६० भन्दा धेरै भौतिक संरचनामा क्षति पुगेको अनुमान गरिएको छ ।
