डडेल्धुरा
आलिताल गाउंपालिका अध्यक्ष बल बहादुर गुरुंगले आफ्नो कार्यकालमा भए गरेका कामहरुलाई सकारात्मक नजरबाट हेर्न आग्रह गरेका छन् । शनिबार भाबर खानेपानी तथा सरसफाई समितिले आयोजना गरेको भाबर गाउं पुर्ण सरसफाईयुक्त घोषणा कार्यक्रममा गीत मार्फत पालिका अध्यक्ष गुरुंगले यस्तो आग्रह गरेका हुन् ।
उनले फूलको आंखामा फूलै संसार कांडाको आखामा काडै संसार भन्ने बोलको गीत बाट यस्तो सन्देश दिन खोजेका हुन् र उनले भनेका छन् । हामीले गरेका कामहरुलाइ फुलको आंखाबाट हेरे सबै राम्रा देखिन्छन र नकारात्मक ढंगबाट हेरे नराम्रै देखिने भन्दै सबैलाई सकारात्मक देखिने बताए ।
कार्यक्रममा बोल्दै गाउपालिका अध्यक्ष गुरुङले आलितालका बिभिन्न टोलहरुलाई सरसफाई युक्त घोषणा गरिसकेको बताउदै २०८० सम्म पालिकाको पुरै गाउंलाई पूर्ण सरसफाई पालिका घोषणा गर्ने योजना रहेको बताए । योजना सफल पार्नलाई सम्पुर्ण गाउंबासीलाई आफ्नो ठाउंबाट सहयोग गर्न आग्रह समेत गरे ।
गास बास कपास आधारभुत आबश्यकता मात्र नभई स्वास्थ्य पनि मानिसको नैसर्गिक अधिकार रहेको बताउदै अब स्वच्छ खानेपानी र स्वच्छ जिवनयापन पनि अनिबार्य रहेको बताए ।
भिडियो
https://www.youtube.com/watch?v=CKGAlJxMF1k
