बैतडी :
बैतडीमा जिप दुर्घटना हुुँदा एकजनाको मृत्यु भएको छ। देहीमाण्डौं–गिरेगडा सडक खण्ड अन्तर्गत पञ्चेश्वर गाउँपालिका– ५ तिलकपुर भीटा भन्ने स्थानमा जिप दुर्घटनाा परेको हो ।
गणमेश्वरबाट देहीमाण्डौं तर्फ आउँदै गरेको से १ ज २९५ नम्बरको जिप दुर्घटनामा परेको जिल्ला प्रहरी कार्यालयका प्रवक्ता प्रहरी निरीक्षक योगेश खत्रीले जानकारी दिए। मृतकको सनाखत हुन सकेको छैन। १२ जना सवार रहेको जिप सडकबाट झण्डै ७० मिटर तल खसेको बताइएको छ।
अन्य ११ जना घाइते रहेका छन्। उनीहरुको उद्धार कार्य भइरहेको छ। प्रमुख जिल्ला अधिकारी सुरेश पन्थी, प्रहरी नायव उपरीक्षक प्रेमबहादुर शाहीसहित ३० जनाको उद्धार टोली घटनास्थलतर्फ गएको छ। ब्रेक फेल भइ जिप दुर्घटनामा परेको बताइएको छ। घटनाको थप विवरण आउन बाँकी छ।
