डडेल्धुरा: डडेल्धुरा आलिताल गाउँपालिका वडा न-८ को अर्धबार्षिक समिक्षा कार्यक्रम सम्पन्न भएको छ । आज (शुक्रवार)वडा कार्यालयको परिसरमै वडाको अर्ध वार्षिक कार्यक्रम सम्पन्न भएको हो ।
समीक्षा कार्यक्रममा वडा अध्यक्ष धन बहादुर देउवाले कार्यालयले ६ महिनामा भए गरेका कामहरुको जानकारी गराएका थिए । देउवाले वडाको पालिकाले निकालेको रातो किताब(रेड बुक) मा प्रकाशित योजनाहरु सम्पन्न भएका तथा सम्पन्न हुन बाकी रहेका योजनाहरुको प्रगतिको बिषयमा जानकारी गराएका थिए । अध्यक्ष देउवाले प्रस्तुत गरेको प्रगती प्रतिवेदनमा उपस्थितहरुले सुझाव तथा प्रशंसा समेत गरेका थिए । कार्यक्रममा उपस्थित राजेन्द्र मडैले खेल एक जिवनको महत्वपुर्ण भएको भन्दै खेलकुदको कृयाकलापमा वडालाई जोड दिन आग्रह गरे ।
दुर्गा माद्यामिक विध्यालयका प्रध्यानाध्यापक नारायण प्रसाद जोशीले बिध्यालयलाइ वडाले गरेको सहयोगको प्रशंसा गर्दै आगामी दिनहरुमा पनि वडाको सहयोगको अपेक्षा राखे । कार्यक्रममा उपस्थित सहभागी मध्ये थोरैले मात्र प्रगती प्रतिवेदनमा प्रतिकृया राखेका थिए । वडाले हरेक बर्ष आफ्नो अर्धवार्षिक र बार्षिक समीक्षा गर्दै आइरहेको छ । कार्यक्रममा पालिकाका प्राविधिक कालू सिंह पाल,प्राविधिक अनिल चौधरी ,राजनितिक दलका प्रतिनिधि ,शिक्षक,पत्रकार र वडा वासीहरूको उपस्थिति रहेको थियो।
