असोज १७ – बझाङ केन्द्र बिन्दु बनाएर आएको भूकम्पका कारण सुदूरपश्चिम प्रदेशका विभिन्न जिल्लामा ठूलो मात्रामा भौतिक क्षति भएको छ।
भूकम्पका कारण बझाङको तलकोट गाउँपालिकामा क्षति पुगेको छ। सोही गाउँपालिकाको १ नम्बरको सुनिकोटको वडा कार्यालय भवन लगाएत डडेल्धुराका आधा दर्जन बढी घरमा क्षति पुगेको छ। जिल्ला सदरमुकाम अमरगढी नगरपालिकाको एक, गन्यापधुरा गाउँपालिकाका दुई र नवदुर्गा गाउँपालिकाका चारवटा घरमा क्षति पुगेको जिल्ला प्रहरी कार्यालय डडेल्धुराले जनाएको छ। भने भर्खरै प्राप्त भएको खबर अनुसार आलिताल गाउंपालिकामा पनि एक घरमा क्षति पुगेको छ । पालिकाको वडा न. ६ खेतेचौरका धन बहादुर कुवरको घरमा क्षति पुगेको पालिका अध्यक्ष शेर सिं पार्कीले जानकारी दिएका छन् । घर चर्केर जोखिममा रहेको उनले बताए ।
त्यसैगरी बाजुरा जिल्लाको बुढिगंगा नगरपालिकामा रहेको महेन्द्र आधारभूत विद्यालयको स्टोर कक्ष भत्किएको छ। भूकम्पका कारण थुप्रै घरहरुमा क्षति पुगेको र त्यसको आधिकारीक विवरण भने आउन बाँकी रहेको छ।
भूकम्पपछिको पहिरोमा परेर बझाङमा एक महिलाको मृत्यु
विद्यार्थीलाई चौरमा निकाल्दा जोगीयो मानवीय क्षति
भूकम्पले सुदूरपश्चिममा भौतिक क्षति
