भक्त गाहा मगर
सावन ३० डडेल्धुरा,
डडेल्धुराको आलिताल गाउंपालिका वडा न.१ का पहिरो पिडितलाइ नजिकैको टाँक भन्ने ठाउँमा सुरक्षित आवासमा व्यवस्थापन गरिएको छ ।
पालिकाको वडा न. १ मा रहेको मालागाँउ र भोका गाउं वस्तिमा बसोबास गर्ने २१ परिवार नजिकैको जनज्योती आधारभुत विद्यालयमा बसोबास गर्दै आइरहेका थिए । विद्यालयमा बसोबास गर्दै आइरहेका पहिरो पिडितलाई सुरक्षित बासस्थानमा सारिएको हो ।
विद्यालय भवनमा रात कटाइरहेका स्थानीयलाई राष्ट्रिय वनको खुला क्षेत्रमा राखिने जिल्ला विपद् व्यवस्थापन समितिको निर्णय अनुसार व्यवस्थापन गरिएको डडेल्धुराका प्रशासकिय अधिकृत तथा सुचना अधिकारी जितेन्द्र ओझाले बताए । पिडितलाई अस्थायी टेन्ट,वायु पंखि चुलो बाल्टी जग र बलाङ्केट जस्ता समाग्रीहरुको व्यवस्था गरेर सुरक्षित स्थान टाँक भन्ने ठाउँमा सारिएको वडा न. १ का अध्यक्ष यज्ञ बहादुर देउवाले बताए ।
आज एक कार्यक्रम नै गरेर उक्त सामाग्री बितरण सहित व्यवस्थापन गरिएको हो । कार्यक्रममा सुदुरपश्चिम प्रदेशका माननीय संसद सरस्वती खड्का , प्रमुख जिल्ला अधिकारी बिस्व राज न्योपाने, नेपाल सेनाका प्रमुख,प्रहरी बिटका प्रमुख,सशस्त्र प्रहरीबल डडेल्धुराका प्रमुख,जनप्रतिनिधि,राजनिती दलका प्रतिनिधि,पत्रकार, शिक्षक बुद्धिजीवी समाजसेवी बिभिन्न संघ संस्थाका प्रमुखहरुको उपस्थितिरहेको थियो ।
विद्यालयमा बसोबास गरिरहेका हुदा विद्यालयको पठनपाठन समेत प्रभावित भएको थियो । आज सम्म वडा तथा पालिकाले राहात स्वरूप खाद्य सामाग्री चामल,दाल,तेल,तरकारी नुन र अन्य सर समान दिदै आएको थियो ।
सम्बन्धित समाचार…
डडेल्धुराको आलितालमा पहिरो पिडितको व्यवस्थापन नहुदा विद्यालयको पठनपाठन प्रभावित
आलितालका-१ का पहिरोपीडितलाई राष्ट्रिय वनको खुला क्षेत्रमा राखिने
आलिताल-१ मा पहिरोको डरले घर छोडी बिद्यालयमा बास
